ياسمين على: أغانى الراب والمهرجانات بدعة جديدة بس مش غناء

كتب/محمد درويش

أكدت ياسمين على أن كلمة مطرب دي حاجة مش سهلة خالص، أنا لما حد بيقول عليا المطربة ياسمين أنا بفرح، كلمة مطرب دي بتتاخد بعد وقت كبير، أتشرف إني أكون وقفت على مسارح إيه علشان تتقالي، مين لحنلي، مين كتبلي، مين قال عليا كده في مسابقات صوت ومهرجانات ولجنة الإذاعة قبل كده، احنا عدينا على اساتذة كبيرة هي اللي قالت علينا كده.

كما كشفت المطربة ياسمين على عن رأيها في أغاني المهرجانات، مشيرة إلى أنها ليست أغاني، ولا يصح أن يطلق عليها هكذا.

وأشارت ياسمين على في تصريحات صحفية (استحالة أقدم المهرجانات، لأنها ليست أغاني، ولا يصح أن يقال عنها أغاني، وبالنسبة للراب فهو نوع من أنواع إلقاء الشعر مصحوب بإيقاع، ومش بسميه أغاني)

واضافت ياسمين على: الغناء هو لحن يكون فيه صعود وهبوط في المقامات، وإن كان معظم الأغاني حاليا ليس بها مقامات كثيرة، هو مقام واحد وبنروح ونيجي فيه، لكن بالنسبة للمهرجانات والراب مافيهاش كده خالص..

وتابعت حول الجماهيرية الكبيرة للمهرجانات الشعبية والراب قالت: «دي آراء، وجهات نظر، هما حرين، أنا مش بقارن، مالهاش علاقة خالص باللي هقوله لكن شكوكو كان ليه جمهور، وإسماعيل ياسين كان ليه جمهور، كل الناس الجميلة دي كان لها جمهور، ودول حاجة والمطربين حاجة تانيه».