كشف اسرار موت نجل اسماعيل الليثي

كتب  \ندي سيد 

كشفت زوجة المطرب الشعبي إسماعيل الليثي، تفاصيل من حياة نجلها رضا الذي رحل عن عالمنا بعد سقوطه من الطابق

العاشر في شرفة منزل جدته، وذلك خلال تلقيها واجب العزاء في فاته لليوم الثاني على التوالي.

زوجة إسماعيل الليثي في عزاء نجلها: مكنش مختل عقليًا بس كان عنده فرط حركة

وقالت زوجة إسماعيل الليثي إن علاقتها بـ رضا نجلها كانت مثل علاقة أي أم بنجلها، لافتة إلى أنه كان محبوبًا من الجميع بشكل كبير.

وتابعت: مصر والعالم العربي كله كان بيحب ضاضا وكل الناس دي كلها جت تعزي عشانه.. طوب الأرض كان بيحبه وطول ما هو ماشي كان بيطلع فلوس لله.. كان بياخد مني 200 و300 جنيه يوزعهم في الشارع ويقولي حرام يا ماما غلابة.

وأضافت زوجة سماعيل الليثي أن نجلها لم يكن يعاني من أي مرض ما مثلما تردد عنه في مواقع التواصل الاجتماعي بعد وفاته، وإنما كان يعاني من فرط الحركة فقط.

واستكملت: ابني مكنش تعبان ولا مختل عقليًا هو بس كان عنده فرط حركة.. أبوه دفعله مصاريف المدرسة وجبتله كل حاجة وبعد ساعة واحدة بس مات.. كان عند سته عشان بتعمله أكل ودورت عليه في الشقة لقته واقع من الشباك.

وأوضحت زوجة إسماعيل الليثي أن جميع من حولهم كانوا يحبون نجلها رضا بشكل كبير ويعاملوه بكل محبة، مختتمة: الناس كانوا بيكرموه مش عشان هو ابن إسماعيل الليثي لأ عشان نفسه.. كان بيبقى ماسك الطبق عشان ياكل وبيأكل الناس كلها معاه.. ده قدر ربنا وراح حتة لحمة حمرا بس ميتعزش على اللي خلقه.. ادعولنا ربنا يرحمه ويصبرنا عشان كان حتة من قلبنا راحت مننا