دينا الشربينى والدتى مكانتش موافقة على دخولى التمثيل فبدات مذيعة
كتب/سيد جمال
قالت دينا الشربينى عبر برنامج (سهرانين)المذع على قناة ON: “والدتى مكانتش موافقة خالص وأنا هاموت وأدخل أي حاجة خاصة بالتمثيل، ووالدى مكانش بيعترض على أي حاجة عوزاها بس هو كان نفسى أكون مذيعة، فقالى على فكرة نخلى والدتى توافق على التمثيل وهى إنى أكون مذيعة في الأول وواحدة واحدة أدخل مجال التمثيل، وفعلا بدأت كمذيعة في برنامج شبابيك وبرنامج عز الشباب”.
حل كل من الفنانة دينا الشربينى، ضيفه في برنامج “سهرانين” مع النجم والإعلامى أمير كرارة، وتحدثت دينا الشربينى عن حبها للتمثيل، قائلة: (أنا بحب الأفلام الأبيض وأسود جدا وعندى مسرحيات كتير زمان بحبها وبتفرج على طول عليها، لأن أنا لما بعلق على حاجة عمرى ما بزهق أبدا، وشادية بالنسبة ليا عشق كبير)
و الجدير بالذكر عن السهر قالت دينا الشربيني: (أنا من الناس اللى بتنام بدرى جدا، وألذ يوم بالنسبة ليا لما بنام الساعة 10 بليل، بس للأسف بنام كتير، يعنى آخر مرة نمت يومين ونص، لكن في الأيام العادية ممكن أصحى بدرى وبيكون حاجة من الاتينن يا ألعب رياضة وجيم يا إما آكل كتير)
واضافت دينا الشربينى: “أنا مبعرفش أكدب خالص ومجرد حد يسألنى بقول على طول كل حاجة، لدرجة إن والدة واحدة صحبتى واحنا صغيرين كانت لما تحب تعرف كل حاجة تندهلى وأقولها كل حاجة، فكانت بتنيادنى بعاطف السكرى عشان كدة صحباتى كانوا بينادونى بعاطف وأنا صغيرة”.
